CUISLE CEOIL Coirm cheoil i gcomóradh ar Choláiste Gaeilge na hAirde Móire fadó
Tionóladh oíche iontach cheoil agus amhránaíochta Gaeilge in Eaglais Naomh Pól san Aird Mhór, Co Phort Láirge ar an Aoine seo caite, 27 Meán Fómhair mar cheiliúradh ar Choláiste Deuglán, Coláiste Gaeilge a bhí in ard a réime i sráidbhaile cois cósta na hAirde Móire céad bliain ó shin.
Eagraithe ag Oifig na Gaeilge de Chomhairle Cathrach agus Contae Phort Láirge, bhí trí chór agus ceoltóirí áitiúla páirteach sa cheolchoirm speisialta seo, i gcuimhne ar uair nuair a bhí an Ghaeilge mar theanga labhartha laethúil san Aird Mhór. Bhí Cór Fear na nDéise, faoi stiúr Darren Ó Droma, mar aoianna speisialta na hoíche, agus in éineacht leo bhí Cór Pobail na hAirde Móire agus páistí ó Scoil Náisiúnta Deuglán Naofa san Aird Mhór. D’oscail Cór Pobail na hAirde Móire an coirm cheoil le leagan álainn den amhrán Sliabh Geal gCua, faoi stiúr Anne Gartland, agus chan an trí chór réimse d’amhráin Ghaeilge, ina measc amhráintí a foilsíodh i leabhrán dar teideal ‘Cuisle Ceoil’, bailiúchán amhrán na nDéise, a foilsíodh céad bliain ó shin, i mí Iúil 1924, ag fear áitiúil Mícheál Ó Foghlú, duine de bhunaitheoirí Choláiste Deuglán.
Bhí Cuisle Ceoil mar leabhar amhrán acu siúd a d’fhreastal ar Choláiste Deuglán idir na 1920daí agus na 1940daí agus labhair an Comhairleoir Niamh O’Donovan, a d’fhreastal ar an gcoirm cheoil mar ionadaí ar Mhéara Chathair & Chontae Phort Láirge, faoi “cé chomh hálainn is a bhí sé éisteacht leis na hamhráintí traidisiúnta, atá mar dhlúthchuid dár n-oidhreacht Ghaeilge, agus beocht curtha iontu arís anseo anocht, díreach trasna an bhóthair ón áit ar canadh iad i gColáiste Deuglán, agus tá bród orm tacú leis an ócáid seo agus le tograí eile a dheineann ceiliúradh ar chultúr saibhir na Gaeilge i bPort Láirge.”
Ghlac an Comhairleoir O’Donovan agus Cartlannaí Joanne Rothwell, le bunchóip den leabhrán Cuisle Ceoil agus de ghrianghraf daoibh siúd a d’fhreastal ar Choláiste Deuglán sa bhliain 1938 ar an oíche, dá iarsma a bhronn Olive Keane, thar cheann a muintir, ar Chartlann Phort Láirge.
Chomh maith leis an trí chór, sheinn ceoltóirí óga Laoise Nic Íomhair agus Johnjoe Brockie ón Aird Mhor, in éineacht le Katie Halpin Hill ón Rinn, sa choirm cheoil chomh maith agus thug an tOifigeach Gaeilge, Máire Seó Breathnach cur i láthair ar stair Choláiste Deuglán. Roinn sí sean-ghrianghrafanna den gColáiste agus daoibh siúd a d’fhreastal air, agus thug sí cur síos ar na ceangail atá fós idir an choláiste agus muintir na hAirde Móire sa lá atá inniu ann. Bhí sliocht cuid acu siúd a bhí bainteach leis an gColáiste sa lucht féachana ar an oíche, ina measc Marie O’Sullivan, gar-iníon le Mícheál Ó Foghlú.
Bhí an finale, nuair a roinn Cór Fear na nDéise an stáitse le páistí Scoil Náisiúnta Deuglán Naofa chun an t-amhrán ‘Ar Maidin Dia Máirt’ a chanadh, ar ceann de bhuaicphointí na hoíche agus tháinig an trí chór agus an lucht féachana le chéile chun an t-amhrán a chanadh le fonn agus le fuinneamh, mar chríoch chuí le hoíche iontach cheiliúrtha.
D’eagraíodh Cuisle Ceoil le tacaíocht ó chlár Éire Ildánach Phort Láirge.
