Latest News & Announcements

Fáiltíonn Comhairle Cathrach agus Contae Phort Láirge roimh aighneachtaí ón bpobal maidir leis an ndréacht den bPlean Gníomhaíochta Torainn, 2024-2028, arna ullmhú faoi I.R. Uimh.
549 de 2018 (arna leasú), chun dul i ngleic le torann ó mhórfhoinsí iompair. Is plean straitéiseach é seo chun aghaidh a thabhairt ar thorann ó phríomhbhóithre i bPort Láirge. Eisiatar leis an bplean seo torann ó ghníomhaíochtaí tí, torann a dhéanann comharsana, torann in ionaid oibre nó torann laistigh de mhodhanna iompair nó torann mar gheall ar ghníomhaíochtaí míleata i limistéir mhíleata.

Is é príomhchuspóir an phlean eolas a chur ar an bpobal agus dul i gcomhairle leo maidir le neamhchosaint ar thorann ó phríomhbhóithre agus na bearta ceartúcháin a d’fhéadfaí a bhreithniú chun aghaidh a thabhairt ar na saincheisteanna seo. Beidh an dréachtphlean ar fáil lena iniúchadh le linn gnáthuaireanta oscailte ó 9:30am go 4:00pm ag na láithreacha seo a leanas go ceann tréimhse sé seachtaine dar tús an 4 Nollaig 2024 go dtí an 15 Eanáir, 2025.

• Deascanna Seirbhísí do Chustaiméirí, Sráid Nua Bailey, Port Láirge agus Cé Mhic Dháibhéid, Dún Garbháin, Co. Phort Láirge.

Is féidir aighneachtaí ar an dréachtphlean Gníomhaíochta Torainn a dhéanamh:

• go leictreonach trí Thairseach Comhairliúchán Chomhairle Cathrach & Contae Phort Láirge
• nó i scríbhinn (agus Dréachtphlean Gníomhaíochta Torainn marcáilte air) chuig:
  Aideen Jacob, An tOifigeach Riaracháin, Rannóg na mBóithre, Comhairle Cathrach & Contae, Phort Láirge, Áras Menapia, An Meal, Port Láirge.

Ní mór aighneachtaí a dhéanamh i scríbhinn tráth nach déanaí ná 4:00pm Dé Céadaoin an 29 Eanáir 2025. Ní ghlacfar le haighneachtaí déanacha. Níor cheart aighneachtaí a dhéanamh ach trí aon mheán amháin, i.e. ar líne nó cóip chrua. Ba cheart d’ainm agus do sheoladh ríomhphoist a bheith san áireamh ar d’aighneacht agus, nuair is iomchuí, ba cheart sonraí faoi aon eagraíocht, grúpa pobail etc. a ndéanann tú ionadaíocht orthu a bheith ann freisin.