Aibhsíodh Cumhacht na bhFiontar Sóisialta Tuaithe!
Leag seimineár an mhí seo caite béim ar chumhacht na bhfiontar sóisialta tuaithe agus ar an gcumas atá acu pobail a neartú agus fás eacnamaíoch a chothú.
Arna óstáil ag Comhar Comaraigh, Comhairle Cathrach agus Contae Phort Láirge agus Comhpháirtíocht Ceantair Phort Láirge, léirigh an ócáid tionchar an líonra ar dhá shráidbhaile is fiche an Chomaraigh.
I measc na gcainteoirí bhí ceannairí pobail áitiúla agus oifigigh rialtais, a phléigh ról na bhfiontar sóisialta maidir le fiontraíocht a chothú, rannpháirtíocht pobail a spreagadh agus ceantair thuaithe a athbheochan.
Eagraíodh an seimineár mar thoradh ar staidéar taighde socheacnamaíoch agus pobalbhunaithe 12 mhí a rinne baill Chomhar Comaraigh.
D’aithin an staidéar 22 sráidbhaile, 30 fiontar sóisialta agus 23 club CLG i gCeantar an Chomaraigh, agus fuair sé amach go leor acmhainní beo, díomhaoin, nár úsáideadh a d’fhágfadh go leor buntáistí breise do Réigiún an Chomaraigh trí chur chuige líonra sna blianta amach romhainn.
