Feidhmíonn Comhairle Cathrach & Contae Phort Láirge 2 mhuiríne : ceann ag Cé na gCeannaithe i gCathair Phort Láirge agus an ceann eile i nDún Garbhán (arna oibriú ag Club Seoltóireachta Dhún Garbhán).
Muiríne
Muiríne Chathair Phort Láirge: Beartáin do Chuairteoirí Dúnta Go dtí 2025
Tá tús curtha le hobair thógála ar an droichead coisithe trasna na Siúire. Chun na hoibreacha seo a éascú, tá na leapacha cuairteoirí ag Muiríne Chathair Phort Láirge dúnta. Táthar ag súil go dtógfaidh an tógáil timpeall 2.5 bliain agus ag an bpointe seo tá súil againn an muiríne a athoscailt do luaimh chuairte. Gabhaimid ár leithscéal as aon mhíchaoithiúlacht a tharla idir an dá linn agus tá súil againn go mbeidh sibh ar fad arís in 2025. Tá liosta feithimh do leapacha fadtéarmacha i bhfeidhm.
Is féidir dul i dteagmháil le Ceannfort na Muiríne ar 087-2384944.
Muiríne Dhún Garbhán
Tá an áis seo faoi úinéireacht agus á rith ag Club Seoltóireachta Chuan Dhún Garbhán faoi cheadúnas ó Chomhairle Cathrach & Contae Phort Láirge.
Tá rochtain ar an áis ar fáil do bhaill Chlub Seoltóireachta Chuan Dhún Garbhán agus do gach duine den phobal, ar a dtabharfar “Cuairteoirí”. Chun socrú a dhéanamh chun an pontún a úsáid, déan teagmháil le do thoil Club Seoltóireachta Chuan Dhún Garbhán.
Bainisteoir Pontún
Uimhir Theileafóin Teagmhála: 058-45663
Cuirfear ‘pacáiste fáilte’ ar fáil agus beidh na táillí seo a leanas i gceist ag an bpontún seo:
- Cuairteoir : €15 in aghaidh na hoíche
- Ball : An chéad 2 oíche @ €5 an oíche agus €10 an oíche ina dhiaidh sin.
Beidh comhaltaí agus cuairteoirí faoi réir na dtéarmaí úsáide, na muirear agus na gcoinníollacha atá leagtha amach ag coiste bainistíochta pontúin Chlub Seoltóireachta Chuan Dhún Garbhán. Coimeádann an coiste bainistíochta an ceart chun rochtain a dhiúltú do chomhaltaí agus do chuairteoirí nach gcomhlíonann na téarmaí úsáide, na táillí agus na coinníollacha atá i bhfeidhm faoi láthair.
