Caighdeán an Aeir
Tá aer glan riachtanach dár gcaighdeán maireachtála. Cé go bhfuil feabhas suntasach tagtha ar cháilíocht an aeir in Éirinn le blianta beaga anuas, leanann truailliú aeir ar aghaidh ag déanamh damáiste dár sláinte agus dár gcomhshaol. Deir tuarascálacha bliantúla an EPA ‘Cáilíocht Aeir in Éirinn’ go seasta go bhfuil cáilíocht aeir na hÉireann go maith tríd is tríd, ach go bhfuil roinnt réimsí imní áitiúla fós ann. Eascraíonn siad seo go príomha as astuithe cónaithe agus iompair.
Ina theannta sin, deir an Ghníomhaireacht Eorpach Chomhshaoil go bhfuil truailliú aeir nasctha le thart ar. 1,400 bás roimh am in Éirinn gach bliain. Tá sé seo suas le deich n-oiread líon na ndaoine a fhaigheann bás ar ár mbóithre. Eascraíonn na básanna seo as riochtaí sláinte atá nasctha le truailliú aeir, mar ghalar croí, stróc, ailse scamhóg, agus galair ainsealacha agus ghéar-ghalar riospráide.
Mar sin tá raon reachtaíochta um cháilíocht an aeir i bhfeidhm in Éirinn chun ár gcaighdeán aeir a chosaint agus chun sláinte gach duine a chosaint.
Monatóireacht ar Cháilíocht Aeir
Is í an Ghníomhaireacht um Chaomhnú Comhshaoil (GCC) a stiúrann monatóireacht ar cháilíocht an aeir in Éirinn, faoin gClár Monatóireachta Náisiúnta um Cháilíocht Aeir Chomhthimpeallaigh (AAMP). Tá sonraí fíor-ama agus stairiúla ó gach stáisiún monatóireachta ar fud an Stáit ar fáil i gcónaí ag www.airquality.ie
Ina theannta sin, feidhmíonn an EPA Innéacs um Cháilíocht Aeir don tSláinte (AQIH), a ritheann ar scála ó 1 (Maith) go 10 (An-Docht). Tá an AQIH is déanaí le haghaidh gach stáisiún monatóireachta ar fáil i gcónaí ag www.airquality.ie.
Tá trí mhonatóir thruailliú aeir bhuana i bPort Láirge, agus is féidir teacht ar na léamha is déanaí uathu seo thíos
- Dún Garbhán (https://airquality.ie/station/TNO3946)
- Phort Láirge (Bóthar Paddy Brownes) https://airquality.ie/station/EPA-59
- Port Láirge (Cé na gCeannaithe) https://airquality.ie/station/EPA-87
Reachtaíocht
Tá freagrachtaí agus cumhachtaí monatóireachta agus forfheidhmithe ag Comhairle Cathrach agus Contae Phort Láirge faoi raon reachtaíochta um Cháilíocht Aeir, lena n-áirítear:
• Na Rialacháin fán Acht um Thruailliú Aeir 1987 (Breoslaí Soladach), 2022 (IR Uimh. 529 de 2022)
• Na Rialacháin um Bainistiú Dramhaíola (Toirmeasc ar Dhramhaíl a Dhiúscairt Trí Dhó) 2009 (IR Uimh. 286 de 2009)
• Rialacháin an Aontais Eorpaigh (Péinteanna, Vearnaisí, Táirgí agus Gníomhaíochtaí Athchríochnaithe Feithicle) 2012 (IR Uimh. 564 de 2012)
• Rialachán an Aontais Eorpaigh (Suiteálacha agus Gníomhaíochtaí a Úsáidtear Tuaslagóirí Orgánacha) 2012 (IR Uimh. 565 de 2012)
• Rialacháin an Achta um Thruailliú Aeir 1987 (Astaíochtaí Gal Peitriliam) 1997 (IR Uimh. 375 de 1997)
• An tAcht um Thruailliú Aeir 1987
